তোলৈ আৰু তেওঁলৈ। অমূল্য বৰুৱা

0

তোলৈ আৰু তেওঁলৈ। অমূল্য বৰুৱা

তোলৈ আৰু তেওঁলৈ। অমূল্য বৰুৱা

তোলৈ আৰু তেওঁলৈ

–অমূল্য বৰুৱা 

ভাবে যদি আলোড়ন তুলি

কবিতাৰ ৰুদ্ধ দ্বাৰ খুলি

কিবা কিবি পেলাই মনত

প্ৰণয়ৰ ছাঁ পৰি কোনোবা জনত

অজানিতে মিলি যায়

বুকুৰ বেদনা হায়

মধুময় কোনোবা ক্ষণত ।

ভাষা যদি ওলাই সবলে

বিভ্ৰতাৰ ধুমুহা নবলে

ভাবিম কতনো কথা ৰঙা বগা কলা

গাঁথি গাঁথি কবিতাৰ মালা ।

সুখৰ দুখৰ ক’ত

ৰচিম সপোন

বুকু ভৰি শিহৰণ তুলি

হৃদয়ৰ দুৱাৰ খুলি

আহিবা আহিবা বুলি

ক’ত বাট চাম ।

আন্ধাৰ পাটীত পৰি

মিছাকৈয়ে ভাবি ভাবি

সপোন লহৰি বুলি

ক’ত চুমা খাম ।

তেও যদি নপলায় আশা

বুকু ভৰি সাবটিম

জীৱন মৰণ দিম

তুমি বুলি বিশ্ব জুৰি

শুনিম প্ৰাণৰ তান

শিকিম তোমাৰ সেই মান অভিমান ।

তেও যদি আশাটি নুপুৰে

গুচি যাম অকলে অকলে

দূৰণিৰ দূৰ দেশলৈ

বুকু ভৰি আশাটিকে ল’ই

কিয় কিন্তু কবকে নোৱাৰোঁ

আশা কিনো বুজিব নোৱাৰোঁ

মাথো জানো ভাল পাওঁ মই

দুটি হিয়া একেলগে হ’ই

তাকো মাথো আঁতৰে আঁতৰে

একা-বেঁকা বিজুলী বাটেৰে

আশাটিকে আশা কৰি কৰি

ভাল পাম বুকু ভৰি ভৰি

তাকে লৈ জীৱনে মৰণে

গাঁথিম কবিতা মালা বিজয় কাননে !

আকুল পথিক

আকুল পথিক

কোন দূৰণিৰ

বাতৰি আনিছ তই,

হৃদয় মনৰ

আবেগ ভৰা

চেনেহ চাৱনি লৈ !

কোন দুখুনীৰ

উতলাবি প্ৰাণ

তুলিবি আনন্দৰ ঢ’উ,

ৰূপহ চাৱনি

দেখুৱাই তই

নিবিগৈ ফুলৰে ম’উ !

কোন পথিক

আবেগ ভৰা

সুৰটি বজাৱ তই,

আকুল মনত

আশা বিতৰাই

পেলাৱ কলিটি জঁয় !

তোৰ সি মাতত

হয় কণ্ঠৰোধ

নাবাজে হিয়াৰ বীণ,

অতীত কালৰ

মধুৰ স্মৃতি

হৃদয়তে হয় লীন !

নালাগে বজাব

অজান পথিক

নুশুনো তোৰ সুৰ

ভাগি যোৱা মোৰ

হিয়াখনি তই

নালাগে কৰিব জুৰ । ০ ০ ০

তোলৈ আৰু তেওঁলৈ

বিঃ দ্রঃ অমূল্য বৰুৱাৰ উক্ত ‘তোলৈ আৰু তেওঁলৈ | Toloi Aru Teoloi’ শিৰোনামৰ কবিতাটি ৰাব্বি মছৰুৰ সম্পাদিত ‘অমূল্য বৰুৱাৰ প্রতিনিধিত্বশীল কবিতা’ গ্রন্থৰ পৰা লোৱা হৈছে। তোলৈ আৰু তেওঁলৈ

You May Like:

  1. অমূল্য বৰুৱাৰ ‘কুকুৰ’
  2. অমূল্য বৰুৱাৰ ‘বেশ্যা’

অতিৰিক্ত অনুসন্ধান:

  1. মৌলানা আবুল কালাম আজাদ
  2. হুমায়ুন আজাদ
  3. অসমীয়া কবিতা
  4. হীৰেন ভট্টাচার্যৰ এমুঠি কবিতা
  5. ইছমাইল হোছেইন
  6. বিষ্ণু ৰাভাৰ গীতি কবিতা
  7. জ্যোতিপ্রসাদ আগৰৱালাৰ কবিতা
  8. অমূল্য বৰুৱাৰ কবিতা কুকুৰ
  9. অসমীয়া আধুনিক কবিতা
Previous articleমই জানো ইমান নিঠুৰ । অমূল্য বৰুৱা
Next articleশিল্পী। অমূল্য বৰুৱা

LEAVE A REPLY

Please enter your comment!
Please enter your name here